ກອງປະຊຸມໃຫຍ່ຜູ້ແທນສະຫະພັນກຳມະບານເມືອງແບງ ຄັ້ງທີ VIII ໄດ້ໄຂຂຶ້ນໃນຕອນເຊົ້າວັນທີ 19 ມີຖຸນາ 2024 ທີ່ສະໂມສອນເມືອງແບງ, ພາຍໃຕ້ການເປັນປະທານຂອງສະຫາຍ ບຸນເພັງ ແກ້ວບົວພາ ກໍາມະການພັກເມືອງ, ຄະນະບໍລິຫານງານສະຫະພັນກຳມະບານແຂວງ, ປະທານສະຫະພັນກຳມະບານເມືອງແບງ, ເປັນກຽດເຂົ້າຮ່ວມຂອງສະຫາຍ ນາງ ທຸມມາ ປັນຍາສິດ, ຄະນະບໍລິຫານງານສູນກາງສະຫະພັນກຳມະບານລາວ, ປະທານສະຫະພັນກຳມະບານແຂວງອຸດົມໄຊ, ມີສະຫາຍ ສົມຄິດ ກັນສະນິດ ກໍາມະການພັກແຂວງ ເລຂາພັກເມືອງ – ເຈົ້າເມືອງ ເມືອງແບງ, ມີຮອງເລຂາພັກເມືອງ, ມີຄະນະປະຈຳພັກເມືອງຜູ້ຊີ້ນໍາວຽກງານອົງການຈັດຕັ້ງມະຫາຊົນຂັ້ນເມືອງ, ມີອາດີດປະທານກຳມະບານເມືອງ, ມີຕາງໜ້າຈາກອົງການພາຄີ,ແຂກເຊີນຈາກສະຫະພັນກຳມະບານເມືອງງາ,ເມືອງໄຊ,ເມືອງຮູນ ແລະ ເມືອງປາກແບງ, ມີບັນດາຄະນະບໍລິຫານງານສະຫະພັນກຳມະບານເມືອງແບງ, ກຳມະບານຮາກຖານ ແລະ ໜ່ວຍອ້ອມຂ້າງເມືອງເຂົ້າຮ່ວມທັງໝົດ 99 ສະຫາຍ,ຍິ່ງ 29 ສະຫາຍ.
ງານ ເທດສະການ ສົ່ງເສີມ ສິນຄ້າ ຜ້າຝ້າຍ ພື້ນເມືອງ ຄັ້ງທີ 5 ປະຈໍາປີ 2023
ໃນຕອນເຊົ້າວັນທີ 25 ພະຈິກ 2023 ນີ້ ຢູ່ທີ່ເດີນບານເມືອງແບງ ແຂວງອຸດົມໄຊ ໄດ້ມີພິທີເປີດງານເທດສະການສົ່ງເສີມສິນຄ້າຜ້າຝ້າຍພື້ນເມືອງ ຄັ້ງທີ 5 ປະຈໍາປີ 2023 ຂື້ນຢ່າງເປັນທາງການ ໂດຍການເປັນປະທານຂອງທ່ານ ສົມຄິດ ກັນສະໜິດ ກໍາມະການພັກແຂວງ ເລຂາພັກເມືອງ ເຈົ້າເມືອງໆແບງ, ເປັນກຽດເຂົ້າຮ່ວມມີ ທ່ານ ຄໍາດີ ວົງລ້ອມ ຮອງເລຂາພັກແຂວງ ປະທານສະພາປະຊາຊົນແຂວງອຸດົມໄຊ, ທ່ານ ສຸຫັວດ ມະຫາວົງສະໜັ່ນ ກໍາມະການປະຈຳພັກແຂວງ ຫົວໜ້າຄະນະຈັດຕັ້ງແຂວງອຸດົມໄຊ ຜູ້ຊີ້ນໍາເມືອງແບງ. ມີແຂກເຊີນຈາກພະແນກການອ້ອມຂ້າງແຂວງ, ຕ່າງແຂວງ, ການນໍາຂັ້ນເມືອງ, ນັກທຸລະກິດ, ພະນັກງານ-ລັດຖະກອນ, ທະຫານ, ຕະຫຼວດ, ນັກຮຽນ ຕະຫຼອດຮອດມວນຊົນຊາວເມືອງແບງ ເຂົ້າຮ່ວມຢ່າງພ້ອມພຽງ. ທ່ານ ສອນເພັດ ອິນທະປັນຍາສັກ ຮອງເຈົ້າເມືອງໆແບງ ຮອງປະທານຈັດງານ ໄດ້ລາຍງານການກະກຽມຄວາມພ້ອມຈັດງານເທດສະການສົ່ງເສີມສິນຄ້າຜ້າຝ້າຍພື້ນເມືອງ ຄັ້ງທີ 5 ປະຈໍາປີ 2023 ໃຫ້ຮູ້ວ່າ ຈຸດປະສົງການຈັດງານ ເພື່ອເປັນການຊຸກຍູ້ສົ່ງເສີມການທ່ອງທ່ຽວ, ທີ່ເປັນມູນເຊື້ອຂອງບັນດາເຜົ່າ, […]
ເມືອງແບງ ສະເຫຼີມສະຫຼອງ 2 ວັນ ປະຫວັດສາດ ທີ່ ສຳຄັນ
ໃນຕອນເຊົ້າຂອງວັນທີ 1 ທັນວາ 2023 ນີ້ ເມືອງແບງ ແຂວງອຸດົມໄຊ ໄດ້ຈັດພິທີ ສະເຫຼີມສະຫຼອງ2ວັນປະຫວັດສາດທີ່ສຳຄັນຂອງຊາດ, ຂອງພັກ ທີ່ໜູນວຽນມາອີກວາລະໜຶ່ງຄື: ວັນຊາດທີ 2 ທັນວາ ຄົບຮອບ48ປີແລະວັນຄ້າຍວັນເກີດປະທານໄກສອນ ພົມວິຫານຄົບຮອບ103ປີ ໂດຍການປະຖະກະຖາຂອງທ່ານ ສົມຄິດ ກັນສະໜິດ ກໍາມະການພັກແຂວງ ເລຂາພັກເມືອງ ເຈົ້າເມືອງໆແບງ,ມີຄະນະປະຈໍາພັກເມືອງ,ກໍາມະການພັກເມືອງ,ພະນັກງານຫລັກແຫຼ່ງ, ສອງກໍາລັງ ປກຊ – ປກສ, ພະນັກງານປະຕິວັດອະວຸໂສ ຕະຫຼອດຮອດມວນຊົນຊາວເມືອງແບງເຂົ້າຮ່ວມຢ່າງພ້ອມພຽງ. ໃນພິທີໄດ້ຮັບຟັງການເຜີຍແຜ່ເອກະສານວັນສະຖາປານາ ສປປລາວຄົບຮອບ48ປີ( 2ທັນວາ1975 – 2 ທັນວາ 2023)ແລະຄ້າຍວັນເກີດປະທານໄກສອນພົມວິຫານຄົບຮອບ 103ປີ( 13ທັນ 1920 – 13 ທັນວາ 2023).ກ່ອນໜ້ານີ້ 48ປີ ຄື ວັນທີ 2ທັນວາ 1975,ເປັນມື້ທີ່ປະຊາຊົນລາວທັງຊາດ ໄດ້ປະກາດຕໍ່ໂລກຢ່າງກ້ອງກັງວານ, ເຊິ່ງໄດ້ມາຈາກການຕໍ່ສູ້ກູ້ຊາດ ອັນຍືດເຍື້ອຍາວນານ ຂອງບັນພະບູລຸດເຮົາ, ພາຍຫລັງປະ ເທດຊາດໄດ້ຮັບການປົດປ່ອຍ, ກ້າວສູ່ໄລຍະໃໝ່ ເຊິ່ງເລີ່ມຕົ້ນຈາກການຮໍາບາດແຜສົງຄາມ, […]
ກອງປະຊຸມ ສາມັນ ຄົບຄະນະ ກຳມະການແນວລາວສ້າງຊາດ ເມືອງແບງ ຄັ້ງທີ 5 ສະໄຫມທີ VII
ກອງປະຊຸມສາມັນ ຄົບຄະນະກຳມະການແນວລາວສ້າງຊາດ ເມືອງແບງ ແຂວງອຸດົມໄຊ ຄັ້ງທີ 5 ສະໄຫມທີ VII ໄດ້ຈັດຂຶ້ນວັນທີ 17 ພຶດສະພາ 2023 ທີ່ສະໂມສອນເມືອງແບງ ໂດຍການເປັນປະທານຂອງທ່ານ ສົມສີ ບໍລິວັນ ກໍາມະການປະຈໍາພັກເມືອງ ປະທານແນວລາວສ້າງຊາດເມືອງແບງ ເປັນກຽດເຂົ້າຮ່ວມໂດຍທ່ານ ວັນນາ ແກ້ວສັນຕິ ປະທານອົງການແນວລາວສ້າງຊາດແຂວງອຸດົມໄຊ, ມີຄະນະກຳມະການແນວລາວສ້າງຊາດເມືອງ, ບ້ານ, ອົງການພາຄີ, ຜູ້ຊົງຄຸນວຸດທິດ, ພະນັກງານແນວລາວສ້າງຊາດເມືອງ ເຂົ້າຮ່ວມ. ກອງປະຊຸມໃນຄັ້ງນີ້, ໄດ້ຕີລາຄາຄືນຜົນການເຄື່ອນໄຫວຈັດຕັ້ງປະຕິບັດວຽກງານຮອບດ້ານ ຂອງແນວລາວສ້າງຊາດທົ່ວເມືອງແບງໃນໄລຍະ 1 ປີຜ່ານມາ ແລະ ຜ່ານທິດທາງແຜນການເຄື່ອນໄຫວໃນປີ 2023. ທັງເປັນການປຶກສາຫາລື ແລກປ່ຽນ ແນວຄວາມຄິດ ເຊິ່ງກັນແລະກັນ ລະຫວ່າງອົງການແນວລາວສ້າງຊາດເມືອງ ກັບ ອົງການແນວລາວສ້າງຊາດບ້ານ, ແລະ ອົງການພາຄີ ໂດຍແນ່ໃສ່ເຮັດໃຫ້ວຽກງານດັ່ງກ່າວ ສືບຕໍ່ເຄື່ອນໄຫວໄປຕາມທິດທາງແຜນການ ແລະ ມີຜົນສຳເລັດຕາມລະດັບຄາດຫມາຍ. ຕະຫລອດໄລຍະ 1 ປີຜ່ານມາ ອົງການແນວລາວສ້າງຊາດເມືອງແບງ ສາມາດຍາດໄດ້ຜົນງານ ແລະ […]